Преподобные Вассиан и Иона — иноки Соловецкого Преображенского монастыря, ученики святого игумена Филиппа, впоследствии митрополита Московского (+1570; память 9/22 января). Немалотруден был тогда подвиг братства Соловецкого. При строении соборного храма обители Соловецкой в 1561 году на твердую землю за известью посланы был иноки Вассиан и Иона. Когда суда возвращались в Соловецкий монастырь, то при впадении Северной Двины в Белое море они были застигнуты бурей и утонули. Но Господь прославил преподобных после их кончины — телес их не коснулось тление на дне морской пучины. Святые мощи преподобных Вассиана и Ионы, вынесенные волнами на восточный берег Унской губы, были обретены крестьянами и погребены.
Вскоре преподобные явились во сне старцу Троице-Сергиевой обители Маманту, который управлял соляными варницами в Унском посаде, и он в 1599 году воздвиг часовню над могилами преподобных. Впоследствии, по случаю многих исцелений, совершавшихся над их гробами, в 1623 году иеромонах Иаков основал там обитель, получившую название Пертоминской, и вкладами царскими сооружена была церковь во имя Успения Богоматери.Память преподобным Вассиану и Ионе совершается дважды в год: 5/18 июня — обретение святых мощей и 12/25 июня.
Тропарь преподобных Вассиана и Ионы
глас 8
Прежде отвержением мира,/ яко морскаго треволнения, избегосте, отцы преподобнии,/ послежде же, изволением Божиим,/ в водах морских кончину блаженную приясте/ и к неболезненному покою преставистеся от земли, радующеся./ Тем и по кончине от Христа Бога прославистеся чудесы обильно,/ теплии в бедах верным помощницы показастеся,/ и ныне на Небесех предстояще Престолу Христову,/ Вассиане преблаженне и Ионо преславне,/ молитеся присно о душах наших.
Кондак преподобных Вассиана и Ионы
глас 2
Яко сокровище богатно,/ верным Божественная благодать/ из морских недр издаде мощи ваша, отцы преблаженнии,/ и в месте пусте целы и невредимы обретошася преславно,/ и тако вас ради ныне славится Бог,/ Емуже со дерзновением предстояще ныне на Небесех,/ Вассиане и Ионо досточуднии,/ молитеся непрестанно о всех нас.
Молитва преподобным Вассиану и Ионе
О преподобнии и всечестнии отцы Вассиане и Ионо, угодницы Христовы блаженнии и чудотворцы преславнии! Постничеством Богу первее угодивше и делы благочестно на земли подвизавшеся, яко светила светлая, по смерти в мире возсиявше, просвещающе верных чудес светлостию, вы заступницы теплии показастеся. Многих, в скорбех и бедах страждущих и погибнути имущих, здравы сохраняете, непослушавших же завещания вашего и маловерующих отмстительне наказасте, и прежде заблуждшей жене путевожди бысте, и ослепшему паки прозрение даровасте. Дерзостне же коснувшагося целебных мощей ваших напрасно отринусте и, разелаблением наказавше, помиловасте. К сим же и иная преславная соделасте, и бывшее оскудение во обители вашей сугубо исполнисте, соблюдающе ю. Молимся убо ныне вам, о преблаженнии отцы, услышите моление наше, не презрите нас в бедах и скорбех, призывающих вас верою, будите помощницы нам скории и покровители, сохраните же во благоденствии, мире и тишине отечество наше. К сим же и духовнаго о вас собрания не оставите до конца, посещающе я всегда, о преподобнии, изобилованием всяцем, и молитеся присно о нас ко Господу, да молитвами вашими грехов прощение получим, и Царствия Небеснаго сподобимся благодатию Его, яко Тому подобает всякая слава, честь и поклонение, ныне, и присно, и во веки веков. Аминь.
