По преданию, был с Востока. Умучен в Далмации. Считается, что св. Варипсава принёс в Рим сосуд с кровью Спасителя.
Канон святому Варипсаве, егоже краегранесие: Твою хвалю, всеблаженне, божественную благодать. Иосиф. Глас 8.
Песнь 1.
Ирмос: Воду прошед:
Благодать твою радостно похваляя, богомудре, совершаем славно память истинне светоносную, освящение молитвами твоими приемлюще.
Память твоя, прославление, благославно возшедши, яко солнце сердца наша освещает и страстей помрачение благодатию Божественною прогоняет.
Умом пресветлым заповедем Господним прилежай, богоносне Варипсава, мученическими венцы украсился еси и в селениих первородных упокоился еси.
Распявый плоть постническими обычаи, богоумне, при конце мученическим благославием увенчан бысть. Темже сошедшеся, тя почитаем.
Богородичен: Врата Божественнаго восхода, отверзи ми врата покаяния и из врат греха смертоноснаго исторгни мя, Дево, молитвами Твоими.
Back
