Родился в 30-х годах XII в. в городе Турове Минской губернии. С малых лет св. Кирилл с усердием читал Священное Писание и достиг глубокого понимания его. Среди его учителей были и греки. Принял постриг в Туровском Борисоглебском монастыре. Через некоторое время св. Кирилл удалился в затвор на столп, где еще более усилил подвиги поста и молитвы и «многа Божественна Писания изложи». Многие обращались к нему за советом в духовной жизни.
Святость жизни и высокая просвещенность св. Кирилла обратили на него всеобщее внимание, и его избрали на Туровскую кафедру. По любви к уединению святитель Кирилл оставил кафедру и полностью посвятил себя писанию духовных сочинений. Он составил слова на весь годичный круг Господских праздников, но, к сожалению, не все они сохранились. Как богослов, святитель Кирилл Туровский усматривал свою задачу в том, чтобы вскрыть истинный, сокровенный смысл того или иного текста Священного Писания.
Скончался святитель Кирилл 28 апреля около 1183 г. От современников он получил именование русского Златоуста.
Тропарь святителя Кирилла, епископа Туровского, глас 4
Благочестия ревнителю и рачителю,/ иноков и столпников похвале,/ святителю Туровския паствы, преславне,/ златословесный учителю,/ светлым учением богоразумия своего просветивый концы русския,/ в молитве к Богу благодатный грешников споспешниче,/ Кирилле Богомудре, моли Христа Бога/ утвердитися нам, соотечественником твоим,/ во Православии, благочестии и единомыслии.
Кондак, глас 2:
Божественный гром, труба духовная, веры насадителю, и отсекателю ересей, Троицы угодниче, великий святителю Кирилле, со ангелы предстоя присно, моли непрестанно о всех нас.
Величание святителя Кирилла, епископа Туровского
Величаем тя,/ Туровский подвижниче и святителю Кирилле,/ златословесный Российский учителю,/ и чтим святую память твою,/ ты бо еси усердный пред Богом предстатель за род наш/ и теплый молитвенник о спасении душ наших.
Молитва святителю Кириллу, епископу Туровскому
О предивный подвижниче, преславный святителю, златословесный Российския земли учителю, великий угодниче Божий, Кирилле! Измлада Вышних благ взыскуя, знатность рода и земная богатства, яко уметы, вменил еси, блаженне, возлюбил же есй всем сердцем нищету, бдение, пощение, смирение, скорбь и тесноту иночества, еще же и вящший Христа ради подвиг подъял еси, восшед на столп, досточудне! Мудрствуя Горняя, испытуя, что есть воля Божия, благая, угодная и совершенная, непрестанно душу и сердце питал еси Божественными ученьми. Умолен быв архипастырем быти, воистинну добре упасл еси Туровскую паству твою, питая ее здравыми ученьми Православныя веры и приводя к Царствию Небесному. Темже явился еси иноков вождь, подвижников слава, Православия столп, Церкви российския светило, пастырем и архипастырем образ, всем верным добрый руководитель к истине и правде. Велиим показался еси в Царствии Божием, вся бо заповеданная Богом сам неленостно сотворив, и предков наших научил еси творити. Сего ради, к тебе, Богомудре Кирилле, воспевая прославльшагося в тебе Бога, прибегаем и, чтуще твою память, молимся: буди ходатай за нас, недостойных, пред Господом Богом. Твоими молитвами и заступлением да утвердится в нас истинный дух живой веры и святаго благочестия, да сохранимся все мы благодатию Божиею от неверия, неправоверия и суеверия, от нравственнаго шатания и духовной немощи. Великий угодниче подвижниче Христов! Моли Милостиваго Бога, да издревле изобильно обитавшия в России стремление к высшему нравственному совершенству, любовь к иночеству, забота о благосостоянии церквей и благолепии храмов, ревность о благочинии богослужения церковнаго выну пребывают достоянием нашим не ослабевая, не умаляясь, но укрепляясь, возрастая и преуспевая. Святителю Кирилле! Да будут молитвами твоими в отечестве твоем пастыри словеснаго стада Христова духом горящий, Господеви работающий, а не себе угождающий, паству, а не себе пасущий. Да будут они добрыми пастырями, душу свою полагающими за овцы паствы своей, а не наемниками, небрегущими о овцах и при виде волка бегающими и оставляющими овцы на расхищение. Ты, блаженне Кирилле, и словом и писанием учил еси древле князей и всех людей Российския земли ходити достойно звания своего. Призри и на нас, потомков твоих, чад и учеников, и умоли Бога, да низпошлет стране нашей твердость и благоустроение, законам нашим святость и силу, правителем и судиям мудрость, усердие, безкорыстие и нелицеприятие. Испроси у Всещедраго Бога всем нам и коемуждо порознь благопотребная, яже к животу и благочестию: немощным в вере и добрых делех укрепление, падшим восстание, подвизающимся добре преуспеяние. Да не оскудевают в родителех согласие, любовь, взаимное уважение, друг о друге благопопечение, в рождении чад Божие благословение. Чада, воспитанныя в страхе Господнем, да уразумеют премудрость Божию и да младенствуют злобою, а не умом. Детоводители и наставники да избыточествуют в ведении и во всяком чувстве, паче же да изобилуют благочестием и о благе истиннем детей попечением. Пречудный святителю Кирилле! Сам зриши страну, в нейже родился еси и в нейже много потрудился еси; зриши народ, егоже древле просветил еси. Сам веси, яже требуем, веси наша немощи и согрешения. Буди же нам помощник, покровитель, заступник и управитель жизни нашея. Да под твоим покровом и заступлением достойно будем славить Отца, и Сына, и Святаго Духа, ныне, и присно, и во веки веков. Аминь
