Преподобный Антоний Дымский родился в Новгороде около 1157 года. Услышав однажды в церкви слова Христовы «Аще кто хочет по Мне итти, да отвержется себе и возмет крест свой и по Мне грядет», он решился оставить мир и принял монашеский постриг от святого Варлаама Хутынского в его обители.
Умирая, преподобный Варлаам поставил святого Антония настоятелем вместо себя, но Антоний, избегая славы, удалился из обители и поселился на берегу Дымного озера, в окрестностях города Тихвина. Здесь он основал монастырь и подвизался в нем до конца жизни. По преданию, преподобный Антоний совершил путешествие в Константинополь и по Святым местам. Скончался преподобный Антоний в 1224 году 24 июня (в этот день совершается память). В 1330 году его мощи обретены были нетленными, и с того времени прославлены многими чудесами.
Тропарь преподобному Антонию Дымскому, глас 4
Добродетелей ревнителю, пустынный житель, подвижник веры Христа Бога нашего, пощением и труды умертвивый плотская вожделения: тезоимените великому Антонию, егоже житию поревновал еси и во егоже имя божественный храм воздвигл еси: купно с ним, преподобне Антоние, моли Спасителя всех, да и нас сотворит победители плотских похотей и храмы Духа Святаго, по велицей Его милости.
Тропарь преподобных (общий), глас 4
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Кондак, глас 6
Сверстник и подражатель преподобному Варлааму, послушание к нему истинное стяжав, достоин явился ему приемник, упасши до времене стадо его, добродетелем же поревновав, в туюжде меру возраста достигл еси, безмолвие пустынное возлюбив, и угоден Господеви показался еси, первоначальник быв пустыни при езере Дымском; тем ти вопием: с преподобным Варлаамом, отче Антоние, моли о нас Бога, да даст нам такожде угодити Ему, якоже и ты, образе послушания и безмолвия тихий рачителю.
Величание
Ублажаем тя, преподобне отче Антоние, и чтим святую память твою, наставниче монахов и собеседниче ангелов.
Молитва преподобному Антонию Дымскому
О пастырю добрый, наставниче наш и святыя сея обители Дымския начальниче, преподобне отче Антоние! Яко имеяй дерзновение ко Владыце Христу и ко Пречистей Его Матери, буди о нас недостойных, во святей твоей обители живущих и о всех с верю к раце мощей твоих отвсюду притекающих молитвенник теплый, заступая нас от всяких бед и напастей, да твоими молитвами невредими от враг видимых и невидимых пребудем. Моли милосердие Божие, да спасет нас от прегрешений наших, имиже весть судьбами. Моли благость Его, еже милостивно обители сей и всему миру потребная подавати. Молися Дающему всем, яко страждущую страну Российскую от лютых безбожник и власти их да свободит, и да возставит православных правителей: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. И моли всякому верному в доме и на пути и повсюду дни благи и безмятежны даровати: жизнь нашу умирити; и вся люди помиловати, якоже зде предстоящыя, тако и благословною виною отшедыя отцы и братию нашу, и спасти душы наша, да непрестанно славим, хвалим, поем и величаем пречестное и великолепое имя Отца и Сына и Святаго Духа, ныне и присно, и во веки веков. Аминь.
